Mga kaso ng COVID-19 sa NCR noong Abril 25, umabot na sa 491 ang namatay habang 494 ang inulat ng DOH sa buong bansa

Batay sa kinulumpon na ulat ng mga local government unit (LGU) sa National Capital Region (NCR) noong Abril 25, umabot na sa 4,370 ang positibo sa COVID-19 sa rehiyon. Mayroon namang 2,176 na probable at 4,478 na suspect na kaso ng sakit. Ang naitalang gumaling ay 706.

Ang positibo sa COVID-19 na namatay ay 491 sa buong rehiyon, habang 82 suspect/probable na kaso ang naitalang namatay sa Mandaluyong at Navotas.

Ang mga LGU ng Malabon, Navotas, Makati at Pateros na lang ang nagbibilang at nag-uulat ng PUM o iyong malapit sa kategoryang ‘contact’ ng World Health Organization. Hindi na isinama ng DOH ang ‘contact’ sa pagsasagawa nito ng bagong klasipikasyon.

 

Talaan ng mga kaso ng COVID-19 sa NCR ngayong Abril 25

 

Ayon naman sa Department of Health (DOH), umabot na ang kumpirmadong kaso ng COVID-19 sa bansa sa 7,294, kung saan 102 ang bagong kaso ngayong araw. Ang mga gumaling sa sakit ay umabot na sa 792 at 494 ang namatay.

 

Manila

Umabot na sa 608 ang mga residente ng Lungsod ng Maynila ang nagpositibo sa coronavirus disease o COVID-19 matapos magtala ng Manila Health Department (MHD) ng 37 na karagdagang kaso.

Sa kasalukuyan, 851 ang itinuturing na ‘Suspect’ at wala namang residente ng lungsod ang itinuturing na ‘Probable’.

Samantala, 88 na ang nag-rekober habang 58 naman ang binawian ng buhay. Walang nadagdag na namatay sa loob ng dalawang araw.

 

Quezon City

Umabot na sa 1,104 ang kumpirmadong kaso sa Quezon City, 265 ang suspected cases, 142 ang naka-rekober at 118 ang namatay.

 

Caloocan

Naitala ang 157 kumpirmadong kaso ng COVID-19 sa syudad ng Caloocan, 337 na probable at 242 na suspect. Nasa 29 na ang gumaling sa sakit habang 25 ang nasawi.

Walang bagong naitalang nasawi sa loob ng dalawang araw. Lampas doble naman ang itinalang probable habang halos dumoble ang suspect sa loob ng dalawang araw na nakalipas.

 

Valenzuela

Naitala ng Valenzuela City ang 81 kumpirmadong kaso ng COVID-19 ngayong araw, 6 probable, 271 suspect, 8 naka-rekober at 6 na namatay.

 

Malabon

Ayon sa City Health Department, dalawa (2) ang nadagdag na positibong kaso ng COVID-19 sa Malabon ngayong April 25. Sa kabuuan ay nasa tatlumpu’t apat (34) na ang confirmed cases, 140 ang probable, 7 ang suspect, 6 ang gumaling at 7 ang nasawi.

Pinakamaraming kaso sa syudad ay galing sa Barangay Longos at Potrero na may tig-5 positibong kaso ng COVID-19.

 

Navotas

Umabot na sa 29 ang kumpirmadong kaso ng COVID-19 sa Navotas, 85 ang probable, 98 ang suspect at 7 ang gumaling. Nagtatala pa rin ng PUM ang Navotas na umabot ngayon sa 59.

Walo ang positibong COVID-19 kaso ang namatay sa Navotas pero mayroon na ring 42 na probable na namatay.

 

San Juan

Nakapagtala na ng 212 kaso ng COVID-19 sa San Juan, 0 ang probable, 266 ang suspect, 48 ang gumaling at 35 ang namatay. Isa ang naitalang bagong namatay ngayong araw.

Pinakamaraming kumpirmadong kaso sa Barangay Greenhills na may 42, West Crame na may 22 at Corazon de Jesus na may 20.

 

 

Marikina

Umabot na sa 101 ang kumpirmadong kaso ng COVID-19 sa Marikina, 1 ang suspect, 20 ang probable, 17 ang gumaling at 18 ang nasawi.

Pinakamaraming kumpirmadong kaso sa Barangay Concepcion Uno na may 15, Marikina Heights na may 12 at Concepcion Dos na may 11.

Pinakamaraming namatay ang galing sa Concepcion Uno na umabot na sa 4.

 

Mandaluyong

Nakapagtala na ng 338 kumpirmadong kaso sa Mandaluyong, 0 probable, 747 suspect at 56 ang gumaling.

Naitala rin ang 32 na kumpirmadong COVID-19 na namatay at 40 suspects na namatay.

 

Pasig

Nakapagtala na ang Pasig ng 279 na kumpirmadong kaso ng COVID-19, 147 probable, 87 suspect, 76 ang gumaling at 54 ang namatay.

 

Makati

Ngayong araw, umabot na sa 312 confirmed cases ng COVID-19 sa lungsod ang kabuuang bilang na naitala ng Makati Health Department, pero aabot naman sa 371 ang naitala ng DOH. Nasa 74 ang probable, 146 ang suspect at 288 ang PUM. Base sa rekord, nakapagtala rin ang MHD ng 76 gumaling at 33 taong namatay.

 

Taguig

Nakapagtala na ng 215 kumpirmadong kaso ng COVID-19 ang syudad, 0 probable, nasa 1,129 ang suspect, 26 ang gumaling at 15 ang namatay.

 

Pateros

Nakapagtala na ng 20 kumpirmadong kaso ng COVID-19, 90 PUIs, 100 PUMs, 5 na gumaling at 4 na pumanaw noong Abril 23.

 

Pasay

Naitala ang 161 kumpirmadong kaso ng COVID-19, 388 probable, 66 suspect, 28 ang gumaling at 18 na namatay.

 

Parañaque

Umabot na sa 401 kumpirmadong kaso ng COVID-19, 530 ang probable, 218 ang suspect, 59 na gumaling at 31 ang namatay.

 

Las Piñas 

Naitala ang 127 kumpirmadong kaso ng COVID-19 sa syudad, 6 probable, 50 suspect, 14 gumaling at 9 namatay.

 

Muntinlupa

Umabot na sa 132 kumpirmadong kaso ng COVID-19 sa Muntinlupa, 462 ang probable, 15 ang suspect, 22 ang gumaling at 19 ang namatay.