Ilan sa mga piling larawan ng kilusang bayan tampok ang iba’t ibang mga progresibong grupo at sektor ng lipunan sa paggunita ng People’s State of the Nation Address (SONA) noong ika-25 ng Hulyo taong kasalukuyan.

“Pag-aralan ang kasaysayan, hindi ang karahasan,” saad ng grupo ng mga kabataan na lumahok sa People’s SONA. Matatandaang sa pagkakaluklok ni Sara Duterte bilang kalihin ng Kagawaran ng Edukasyon, isa sa pinangangambahang gawing prayoridad ang gawing mandatoryo ang paglahok ng mga kabataan sa Reserve Officers’ Training Corps (ROTC).
Pakikiisa sa panawagan ng mga manggagawa at kabataang estudyante hinggil sa patuloy na kontraktwalisasyon at kawalan ng nakapagsasarili at kalayaan sa loob ng mga paaralan o pamantaasan.
Kabaong na naglalaman ng pinepesteng pigura ni Ferdinand Marcos Sr. kalakip ang mga balita sa pahayagan kasagsagan ng Dekada ’70 nang ideklara ng dating diktador ang batas militar.
Operation Pinta, Operation Dikit na nagpapakita ng kabagalan at kapestehang taglay ni Ferdinand ‘Bongbong’ Marcos Jr. sa pagtugon sa krisis sosyo-ekonomiko at pangkalusugan partikular sa mga pesante at manggagawang bukid.
Taas-kamao. Simbolo ng paglaban, pag-aaklas, pagtindig
Karatula ng pagpapanagot sa mga kasalanan ni Rodrigo Duterte sa taumbayan buhat ng mga kaso ng libo-libong paglabag sa karapatang pantao.
Sticker na idinikit sa isang concrete barrier kalakip ang mukha ni Bongbong Marcos at pagbansag ditong “magnanakaw”
Kabilang ang University Hotel Workers Union sa patuloy at puspusang nanawagan ng pagbabasura ng oil deregulation law.
Kasama ang mga kawani ng gubyerno sa People’s SONA upang irehistro ang kanilang galit at hinaing ukol sa umano’y streamlining ng kasalukuyang administrasyon ni Marcos Jr. na magbubunsod lamang sa malawakang tanggalan sa hanay ng manggagawa.
Pagdadagdag ng badyet sa krisis pangkalusugan at batayang serbisyong panlipunan ang hinaing ng organisasyong Migrante, isang grupo ng mga manggagawa sa ibayong dagat.
Effigy ng mukha ni Marcos Jr.
Mga salitang naglalarawan na pasaring sa administrasyon at tambalang Marcos-Duterte na nakasulat sa bawat dahon ng mga naglalakihang paper windmill.
Kalayaan sa pamamahayag at pagpapahayag.

Panoorin ang balita ng Manila Today sa Youtube:

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here