Tuwing eleksyon busog na busog tayo,

Tuwing eleksyon busog ang mata sa mga naglipanang tarpaulin

Tuwing eleksyon busog ang ating tenga sa jingle na pilit tayong pinapaindak

Tuwing eleksyon busog ang ating bibig sa mga kaliwa’t kanang handog

 

Isang pagnguya ang eleksyon, pwedeng lunukin, pwedeng durain ang tatakbo

Isang pagdighay ang eleksyon, pwedeng malakas, pwedeng mahina ang epekto

Isang pagsinok ang eleksyon, pwedeng susunod-sunod, pwedeng may distansya ang paglilingkod

 

Sa dami ng balimbing na politiko

Sa dami ng bola-bolang pangako

Sa dami ng higop-sabaw sa pamumuno

Lutuin nawa ang kanilang intensyon

 

Ang tinta sa daliri ang bubura sa gutom ng bayan—

gutom sa kapayapaan, gutom sa kabuhayan, gutom sa kaligtasan, gutom sa edukasyon, gutom sa pagkakaisa.

Aalisin ng tinta ang hapdi sa sikmura ng bayang nasanay na sa pangako.

 

Ang pagboto ay isang pagkaing pupuno sa sustansyang dapat matanggap ng bayang nalugmok sa tindi ng kagutuman.

InterServer Web Hosting and VPS

LEAVE A REPLY

Please enter your comment!
Please enter your name here