[ultimate_spacer height=”600″]
[ultimate_spacer height=”80″]
[ultimate_spacer height=”20″]
Ligalig rin ang payapang tubig,
tulad ng mga luhang dumidilig
sa kaluluwa nilang mga nilupig,
at matang minsan ring umibig.
[ultimate_spacer height=”80″]
May lamlam yaring dilim ng gabi
na tila bumubulong at nagsasabi
na sa panahong ito ng pang-aapi
ay huwag itikom ang mata at labi.
Tahimik ang hiyaw ng pandarahas,
ngunit hindi ang pagbabalikwas
nilang mga inagawan ng bukas
at ng pusong di kailanman lilipas.
Mahaba pa ang pagkaligalig,
ang paglamlam ng pag-ibig
at katahimikan ng mga tinig.
Ngunit kailanma’y di magpapagapi,
dakilang pag-ibig na nagpupunyagi
at nagpapalaya sa sarili at sa uri.
[ultimate_spacer height=”70″]
Mga kuha ni KJ Dumapit