Bagsak ang gradong ibinigay ng Anakbayan kay Presidential Spokesperson Salvador Panelo sa pagtanggap nito sa ‘commute challenge’ ng grupo ngayong araw. Nag-commute si Panelo mula sa bahay niya sa Concepcion, Marikina papunta sa kanyang tanggapan sa Malacañang Palace.
Inabot ng halos apat na oras ang kanyang byahe at apat na sakay ng jeep at isang pakikiangkas sa isang motor. Nagsimula siya ng 5:15 ng umaga at nakarating bandang 8:46 ng umaga. Bahagi ng hamon na dapat hindi kasama ang media dahil hindi magiging natural ang mga kundisyon at sitwasyon sa kanyang pagbyahe sa Kamaynilaan. Dahil sa madalas na post at update ni Panelo, natunton din siya ng media sa Cubao kaya mula roon ay hinabol na siya at sinamahan sa mga jeep na kanyang sinakyan.
Reaksyon ni Bagong Alyansang Makabayan Secretary General sa pagtanggap ni Panelo sa ‘commute challenge’ ay bagamat nakarating ito ay ‘late’ pa rin sa takdang oras ng trabaho ng gobyerno (kadalasang ika-8 ng umaga) kung si Panelo ay nag-‘time in’ sa bundy clock. Sa mga ordinaryong manggagawa, memo na ang katapat ng pagkahuli sa oras ng trabaho. Samantala, bilang mataas na opisyal ng ehekutibo, hindi naman ni Panelo kailangan mag-time in.
Iginiit pa rin ni Panelo na walang ‘transport crisis’, pero mayroong ‘traffic crisis.’
Umani naman ng iba’t ibang opinyon sa social media ang isinagawang ‘commute challenge’ ni Panelo.
Thank you Sec. Panelo. An almost 4-hour commute for a trip that's a 3 hour and 8 minute walk does sound like a mass transport crisis…
h/t @dannyarao pic.twitter.com/UGTCXwZwkg
— Sonny Africa (@sonnyafrica) October 11, 2019
This public performance is unnecessary, disrespectful, and privileged. Disrespectful because his goal is to prove that commuting is 'easy' and the Filipino public shouldn't complain. Privileged because he has many options to go to work, unlike most of us.
Unnecessary. Period. https://t.co/QIVVb3EbW1
— Charles Ladia (@charleserize) October 11, 2019
OMG creativity lang pala ang solution sa pagkokomyut! Tsaka *gasp* gumising ng MAS maaga?! Oo nga no? Bakit di niyo naisip?! Ayan ok na hihihi yaaay!
— Atom Araullo (@atomaraullo) October 11, 2019
Nagkaroon din ng isang black Friday protest ang mga militanteng grupo sa Cubao, Quezon City upang ipanawagan na dapat magakaroon ng pangmatagalan na solusyon ang gobyerno sa tumitinding krisis sa transportasyon.
