Mga kaso ng COVID-19 sa NCR noong Abril 19

Batay sa kinulumpon na datos mula sa mga ulat ng mga Local Government Unit (LGU) sa National Capital Region (NCR) o Metro Manila ngayong Abril 19, umabot nas a 3,748 ang kumpirmadong kaso ng COVID-19, 2,180 ang probable, 2,660 ang suspect, 447 ang gumaling ay 393 ang namatay.

Naitala ng Department of Health (DOH) ngayong araw ang 6,259 kumpirmadong kaso ng COVID-19, 572 ang gumaling habang 409 ang pumanaw sa buong bansa.

 

Talaan ng mga kaso ng COVID-19 sa NCR mula sa mga ulat ng mga LGU (Abril 19)

 

Sa mga LGU ng Metro Manila, Makati at Malabon ang nananatiling nagbibilang ng Persons Under Monitoring (PUMs) o malapit sa klasipikasyon na “contact” ng World Health Organization (WHO) na hindi na isinama ng DOH sa nirebisang klasipikasyon nito na binatay sa abiso ng WHO noon pang Marso 20.

Patuloy namang itinatala at inuulat ng mga LGU ng Navotas at Mandaluyong ang mga namatay na Persons Under Investigation (PUIs) o ang tinuturing na ngayong probable (PUI na-test na wala pang resulta) at suspect (PUI na hindi pa na-test), bukod sa mga namatay na kumpirmadong kaso ng COVID-19.

 

Maynila

Mayroong 445 confirmed na kaso ng COVID-19 sa Maynila, 1 ang probable, 680 ang suspect, 57 ang naka-rekober at 48 ang binawian ng buhay.

Pinakaraming kaso sa Sampaloc, kung saan 98 ang confirmed at 158 ang suspect. Napabalitang isasailalim ang Sampaloc sa lockdown. Kinumpirma naman ito ni Mayor Isko Moreno, pero ayon sa Manila Public Information Office ay pinagpaplanuhan pa ng alkalde at ng iba pang opisyal ng lungsod paano ipapatupad ang lockdown sa isang malaking lugar. Masasaklaw ng lockdown ang ilang barangay, commercial area at malaking bahagi ng university belt ng syudad.

 

Quezon City

Ang naitalang kumpirmado sa COVID-19 sa syudad ay umabot na sa 1,042 habang 180 ang suspect, 87 gumaling sa sakit at 90 ang namatay.

Pinakamaraming aktibong kaso sa Quezon City (QC) ang Batasan Hills na may 30, New Era na may 21 at Matandang Balara na may 20. Ang kabuuang aktibong kasong naitala sa syudad ay 520. Isinailalim ng LGU ang 32 barangay sa extreme enhanced communit quarantine.

Ang mga namatay ay galing sa 59 barangay sa QC, kung saan pinakamarami sa Tandang Sora na 5 na ang pumanaw.

 

Caloocan

Mayroong 138 confirmed na kaso ng COVID-19 sa Caloocan, habang 15 ang probable, 83 ang suspect, 16 ang gumaling at 21 na ang namatay.

 

Valenzuela

Mayroong 59 confirmed na kaso ng COVID-19 sa Valenzuela, habang 1 ang probable, 222 ang suspect, 6 ang gumaling at 6 na ang namatay.

 Isang pasyente ang pumanaw ngayong araw. Isang buwan na mula sa araw na ito nakumpirma ang unang positibong kaso ng COVID-19 sa syudad, isang 34-anyos na babae.

 

Malabon

Noong Abril 17, mayroong 29 kumpirmadong kaso, 101 suspect, 3 probable, 4 na gumaling at 6 na namatay sa lungsod ng Malabon.

COVID-19 UPDATES: Ayon sa City Health Department, nadagdagan ng isang (1) kaso ng COVID-19 ngayong araw, April 17. Dalawampu't siyam (29) na ang total confirmed cases sa Malabon City: pic.twitter.com/bpnC28FOBY

— MALABON CITY (@Malabon_City) April 17, 2020

 

Navotas

Sa Navotas, mayroon nang 25 kumpirmadong kaso, 57 ang probable pero 30 dito ay namatay na, 73 ang suspect na naka-home quarantine at 6 na namatay.

Ang mga tinuturing na suspect ng syudad ng Navotas ang mga PUI (mild, severe, critical) na wala pang test o hindi pa-natetest na (1) may mga sintomas ng trangkaso, (2) naglakbay o nanirahan sa mga lugar na may positibong kaso ng COVID-19 sa loob ng 14 araw bago magka-sintomas, (3) nagkaroon ng close contact sa isang PROBABLE o CONFIRMED kaso ng COVID-19 sa loob ng 14 araw bago magka-sintomas, (4) nagkaroon ng biglaang karamdaman sa baga sa hindi malamang kadahilanan at kinakailangang maospital and (5) may lagnat, ubo o hirap sa paghinga at senior citizen, buntis, health worker o may iba pang sakit.

 

San Juan

Mayroong 191 kumpirmadong kaso, 277 suspect, walang probable, 37 na gumaling at 33 na namatay sa lungsod ng San Juan.

 

Marikina

Noong Abril 17, mayroon nang 79 kumpirmadong kaso, 1 ang probable, 22 ang suspect, 11 ang gumaling at 17 ang namatay.

Mayroon nang kumpirmadong kaso ng COVID-19 sa lahat ng barangay sa syudad mula Abril 14. Naitala ang pinakamaraming kumpirmadong kaso ng COVID-19 sa syudad sa Barangay Concepcion Uno, na may 13 kaso.

Ipinaliwanag ng Marikina Public Information Office (PIO) kung bakit magkaiba ang datos ng DOH NCOV tracker sa updates ng LGU.

 “Ang data sa DOH Covid-19 tracker ay raw data na kailangan pang i-validate/verify ng CHO-CESU. Marami sa pasyente ng Covid-19 ang gumamit ng address ng Marikina o ang ospital na pinagdalhan ay nasa Marikina ngunit ang pasyente ay sa ibang bayan o lungsod nakatira. Sa validation/verification process lumalabas ang wastong address/tirahan ng pasyente,” ayon sa Marikina PIO.

 

Mandaluyong

Nitong Abril 19, ang naitalang kumpirmadong kaso ng COVID-19 sa Mandaluyong ay umabot na sa 264, walang probable, 591 suspect, 33 ang gumaling at 24 ang namatay. Itinatala rin ng LGU ng lungsod ng mga PUI o suspect deaths na umabot na sa 29, mas marami ng 5 kaysa sa mga namatay na kumpirmadong positibo sa COVID-19.

Pinakamaraming kumiprmadong kaso ng COVID-19 sa Highway Hills, Mauway at Addition Hills.

 

Pasig

 Sa huling ulat ng Pasig LGU noong Abril 14, mayroong 205 confirmed, 21 probable, 239 suspected, 45 na naka-rekober at 37 na nasawi sa COVID-19.

Sa mga barangay ng San Jose at San Nicolas na lang walang naitalang kumpirmadong kaso ng COVID-19. Pinakamaraming kaso sa barangay Ugong na may 27 habang may tig-17 sa Manggahan, Pinagbuhatan at Rosario na mga kasunod na may pinakamaraming kaso ng COVID-19.

 

Makati

Nakapagtala ang Makati Health Department ng 260 confirmed cases ng COVID-19 sa lungsod, habang 348 ang naitala ng DOH. Base sa rekord, nakapagtala rin ang MHD ng 27 taong nasawi, at 41 taong gumaling na mula sa naturang sakit.

 

Taguig

Sa kabuuan, simula January 27 hanggang April 19, mayroon nang 189 confirmed, 1,103 na suspect, 24 gumaling at 14 namatay sa COVID-19 sa Taguig. Natitirang apat na barangay ang walang kumpirmadong kaso sa buong syudad. Ito ay ang barangay ng Napindan, Katuparan, North Daang Hari at South Daang Hari.

 

Pateros

Sa huling ulat munisipalidad ng Pateros noong Abril 17, mayroon nang 16 kumpirmadong kaso, 3 ang gumaling at isa ang namatay. Ang unang kaso ng namatay ay naitala ngayong araw, dahil ngayong araw lang napaabot ng DOH ang resulta ng test ng namatay. Nasa 18 naman ang naitalang suspect na kaso at walang probable na kaso.

Nagtatala pa rin ng PUI at PUM ang munisipalidad, kung saan mayroong 90 na PUI at 100 na PUM.

 

Pasay

Mayroong 131 confirmed na kaso ng COVID-19 sa Pasay habang 15 ang probable, 35 ang suspect, 16 ang gumaling at 21 na ang namatay.

 

Parañaque

Sa huling ulat ng Parañaque LGU noong Abril 16, mayroon nang 347 confirmed na kaso ng COVID-19 sa lungsod, 414 probable at. 206 suspect. Umabot na sa 36 ang gumaling at 23 ang namatay.

 

Las Piñas

Mayroong 109 kumpirmadong kaso, 6 probable, 41 suspect, 14 naka-rekober at 8 namatay sa Las Piñas. Isang barangay lang sa Las Piñas ang walang kumpirmadong kaso ng COVID-19.

 

Muntinlupa

Mayroong 117 kumpirmadong kaso, 133 probable, 55 suspect, 14 ang gumaling sa sakit at 17 ang nasawi sa Muntinlupa. Sa Barangay Ayala Alabang may pinakamaraming kumpirmado na 27 at pinakamaraming namatay na 7.