Mga kaso ng COVID-19 sa NCR ngayong Mayo 7 umabot na sa 5,862 ayon sa mga LGU (6,709 sa DOH)

Batay sa kinulumpon na ulat ng mga local government unit (LGU) sa National Capital Region (NCR) pagdating ng Mayo 7, umabot na sa 5,862 ang positibo sa COVID-19 sa rehiyon. Ang naitala ng mga LGU na gumaling ay 1,274 at 598 ang namatay.

Nananatiling ang LGU ng Navotas at Mandaluyong ang regular na nag-uulat ng mga suspect at probable na namatay.

Ayon naman sa Department of Health (DOH), umabot na sa 10,343 ang positibong kaso ng COVID-19, 1,618 ang gumaling at 685 ang namatay sa buong bansa. Naitala ang 339 bagong kaso ngayong araw.

Sa COVID-19 tracker naman ng DOH, ang naitala nitong positibong kaso ng COVID-19 sa NCR ay 6,709, ang mga gumaling ay 1,153 na at ang namatay ay 492.

 

Maynila

Mas marami pa ring kaso ng COVID-19 sa Tondo 1 (131) kaysa sa Sampaloc (118) na parehong isinailalim ng lokal na pamahalaan ni Mayor Francisco ‘Isko’ Domagosa sa ‘hard lockdown.’ Walang bagong naitalang namatay sa Maynila ngayong Mayo 7.

Distrito na may pinakamaraming positibong kaso:

1. Tondo 1 – 131
2. Sampaloc – 118
3. Cruz – 57
4. Tondo 2 – 55

Barangay na pinakamaraming nasawi na nagpositibo sa COVID-19:

1. Tondo 1 – 13
2. Sampaloc – 13

 

Quezon City

 Ayon sa DOH, 1464 na ang bilang ng nagpositibong kaso ng COVID-19 sa Quezon City.

Barangay na pinakamaraming positibong kaso:

1. Batasan Hills – 58
2. Culiat – 48
3. Matandang Balara – 41

Barangay na pinakamaraming nasawi na nagpositibo sa COVID-19:

1. Batasan Hills – 8
2. Matandang Balara – 6
3. Tandang Sora – 6

 

Caloocan

Umabot na sa 190 ang nagpositibo sa COVID-19 sa Caloocan sa huling ulat nito noong Mayo 1.

 

Valenzuela

Umabot na sa 132 ang positibong kaso ng COVID-19 sa Valenzuela ngayong Mayo 7.

 

Malabon

Ayon sa City Health Department ng Malabon, isa (1) ang nadagdag na positibong kaso ngayong araw, May 7. Sa kabuuan ay nasa animnapu’t walo (68) na ang kaso ng COVID-19 sa Malabon.

Barangay na pinakamaraming positibong kaso:

1. Longos – 10
2. Potrero
3. Tugatog – 8

Barangay na pinakamaraming nasawi na nagpositibo sa COVID-19:

1. Bayan-bayanan – 2
2. Tinajeros – 2

 

Navotas

Umabot na sa 55 ang kumpirmadong kaso ng COVID-19 sa Navotas; 17 dito ang nasawi sa sakit. Samantala, naitala naman ng LGU ang 78 na probable na kaso ng COVID-19 na pumanaw na.

 

San Juan

Umakyat ng 5 ang confirmed cases sa San Juan, na may kabuuang 259 kaso ng COVID-19. Pang-anim araw na walang naitalang namatay sa COVID-19 sa syudad, ayon sa alcalde nitong si Mayor Francis Zamora.

Barangay na pinakamaraming positibong kaso:

1. Greenhills – 50
2. West Crame – 26
3. Corazon de Jesus – 24

 

Marikina

Mayroon nang 124 na kumpirmadong kaso ng COVID-19 sa Marikina ngayong araw. Ang kabuuang pumanaw sa syudad ay umabot na sa 20. Pinakamaraming nasawi sa Brgy. Concepcion Uno na umabot sa sa lima.

 Barangay na pinakamaraming positibong kaso:

1. Concepcion Uno – 19
2. Marikina Heights – 14
3. Concepcion Dos – 13

 

Mandaluyong

 Naitala ng Mandaluyong City Health Department ang 435 kumpirmadong kaso ng COVID-19 sa syudad.

Inilagay sa ‘total lockdown’ ang Barangay Addition Hills mula Mayo 7 12am hanggang Mayo 13 11:59pm sa bisa ng EXECUTIVE ORDER NO. 15, S-2020 sa lungsod. Hindi man pinakamaraming kumpirmadong kaso ng COVID-19 sa syudad ay nagtala ng pinakamaraming nasawi sa barangay, 6 ang positibo at 12 suspect.

Barangay na pinakamaraming positibong kaso:

1. Mauway – 66
2. Addition Hills – 58
3. Highway Hills – 45

 

Pasig

Sa ulat ng Pasig LGU mula sa Department of Health, mayroon nang 376 kumpirmadong kaso ng COVID-19 sa syudad. 

Barangay na pinakamaraming positibong kaso:

1. Pinagbuhatan – 43
2. Rosario – 32
3. Manggahan – 28

 

Makati

Ngayong araw, May 7, 2020, umabot na sa 471 confirmed cases ng COVID-19 sa Makati ayon sa DOH.

 

Taguig

Nakapagtala ang Taguig ngayong araw ng 15 bagong confirmed cases. Ang mga ito ay mula sa Brgy. Central Signal, Ibayo Tipas, Fort Bonifacio, Napindan, Bambang, Maharlika, Central Bicutan, Western Bicutan at Calzada. Ang kabuuang numero ng confirmed cases sa Taguig ay 274.

 Barangay na pinakamaraming positibong kaso:

1. Fort Bonifacio – 51
2. Ususan – 27
3. Western Bicutan – 18

 

Pateros

May 23 kumpirmadong kaso ng COVID-19 sa Pateros sa ulat nito noong Mayo 6.

 

Pasay

Mayroong nang naitalang 268 kumpirmadong kaso ng COVID-19 sa Pasay.

 

Parañaque

Umabot na sa 555 ang bilang ng kumpirmadong kaso ng COVID-19 sa Parañaque sa ulat nito noong Mayo 6.

Barangay na pinakamaraming positibong kaso:

1. BF Homes – 66
2. Don Bosco – 58
3. Moonwalk – 51

 

Las Piñas

Mayroon nang 193 kumpirmadong kaso ng COVID-19 sa syudad.

Barangay na pinakamaraming positibong kaso:

1. Talon Dos – 21
2. Pulang Lupa Dos – 17

 

Muntinlupa

Nakapagtala na ng 174 kumpirmadong kaso ng COVID-19 ang Muntinlupa.

 Barangay na pinakamaraming positibong kaso:

1. Ayala Alabang – 32
2. Putatan – 27
3. Cupang – 24