Ngayong ika-18 araw ng lockdown sa National Capital Region, nagprotesta ang higit kumulang 150 na residente ng Sitio San Roque, Barangay Bagong Pag-Asa, Quezon City sa kahabaan ng Epifanio delos Santos Avenue o EDSA. Panawagan ng mga sumama sa pagkilos ay ibigay ang ipinangakong pagkain at ayuda para sa mamamayan.
Umabot sa 21, 15 kalalakihan at 6 kababaihan, ang inaresto matapos ang marahas na dispersal na isinagawa ng Quezon City Police Department. Hindi naman nasunod ang social o physical distancing sa pag-aresto at pagkakaso sa mga hinuli.
Ayon sa grupong Save San Roque, paralisado ang kabuhayan ng mga mahihirap at marami ang nagugutom dahil sa lockdown at naghihintay sa tulong na walang kasiguraduhan kung kailan darating.
Iginiit ng KADAMAY na ang protesta ay isang ispontanyong pagkilos at natural na reaksyon sa kakulangang aksyon ng gobyerno para matulungan ang mga mahihirap.
“Imbis na pakinggan ang hinaing ng mahihirap na nagdurusa dahil sa kawalan ng tugon ng pamahalaan sa pangangailangan ng mahihirap, inaresto at dinahas pa. Dapat nating tanungin, bakit hnaggang ngayon wala pa ring ayuda sa maraming mahihirap?” diin ni KADAMAY National Chairperson Gloria ‘Bea’ Arellano.
Diniin din ng grupo na pangunahing trabaho ng pambansang pamahalaan ang pagtugon sa mga kagyat na pangangailangang pagkain, sanitasyon, serbisyong medikal at iba pang batayang pangangailangan sa gitna ng hinaharap na pandemya sa bansa.
Sa datos ng PNP mula March 17-29, 2020, 17,309 na mga indibidwal na ang naaresto dahil sa paglabag sa curfew.
Marami naman ang nakisimpatiya sa mga nagprotestang mamamayan at nanawagan sa gobyerno na pabilisin ang ayuda.
Hindi po sila kriminal. Sila ay gutom. Nangangailangan ng tulong. Ito ang dahilan kung bakit dapat ilabas na ang cash assistance ng gubyerno. Kailangan na tao. Hindi bukas. Ngayon ?? https://t.co/MQyK0iTAJu
— Karen Davila (@iamkarendavila) April 1, 2020
They need help now, more than ever. Gutom sila… they were left with no choice.. and I’m sure doing this for their own families that they have to feed.. Sana bigyan to ng pansin at agapan na kaagad ng gubyerno ? https://t.co/hOUvts0uzW
— Anne Curtis-Smith (@annecurtissmith) April 1, 2020
This is saddening and sickening on so many levels.
Arrest the politicians who failed our people, not the people our politicians failed! https://t.co/umDkQFvLLi
— Gideon Lasco (@gideonlasco) April 1, 2020
When you're made to choose between hunger and the risk of infection… what kind of choice is that, really?
— Bea Cupin (@beacupin) April 1, 2020
Ang hirap ng sitwasyon ng mga tao ngayon. Papasok na ang 3rd week of the community quarantine. Hindi dapat hulihin or bugbugin ang kailangan kausapin, they will not be doing those things kung nabibigyan sila ng tamang atensyon and support from the local government. ?? https://t.co/AOymB0bJui
— kim chiu (@prinsesachinita) April 1, 2020